Welt
kanner
dag
20. November
Welt
Loosst eis d’Kannerrechter feieren
Den 20. November ass de Weltkannerdag. Et ass de weltwäiten Aktiounsdag vun UNICEF fir Kanner, vu Kanner. Op dësem Dag iwwerhuelen d’Kanner d’Roll vun Erwuessener aus verschiddene Beruffsberäicher, wéi de Medien, der Politik oder dem Sport.
54 Rechter vum Kand
Fir de Weltkannerdag setze mir d’Kannerrechter an de Mëttelpunkt a markéieren d’Adoptioun vun der Kannerrechtskonventioun. Dëst ass e wichtegen Accord ofgeschloss vu Länner, déi sech verpflicht hunn d’Rechter vun de Kanner ze schützen an en huet d’Liewe vu Millioune Kanner verännert. Déi 54 Artikele sinn all verbonnen, si hunn all déiselwecht Wichtegkeet a kënnen de Kanner net ewechgeholl ginn.
Go blue
Maacht d’Luuchten aus
Iwwer 100 Gebaier, ëffentlech Plazen a Monumenter goufen iwwer d’Jore blo beliicht. Wéinst der Energiekris wëlle mir dëst Joer eng aner Approche huelen.
Ouni ze beliichten.
Beliicht online
Amplaz invitéieren mir all Participant online en Zeechen ze setzen. Aktivéiert e spezielle Pop-up Message op Ärer Websäit oder loosst Är Online Präsenz a sozial Netzwierker blo erstralen.
Blo undoen
Op e blot Hiem, Bochs, Schong oder souguer blo Hoer. Alles geet fir sech solidaresch mat de Kannerrechter ze weisen. Deelt Är bescht Fotoen online andeems Dir UNICEF Lëtzebuerg taggt.
Maach mat
Eng Laolawell fir d’Kannerrechter
Feiert d’Kannerrechter online andeems Dir un der gréisster Laolawell zu Lëtzebuerg deelhuelt. Filmt Iech eleng (am Héichformat) oder mat Klassekomeroden, Frënn, Kollegen oder der Famill (vu lénks no riets), an deelt de Video online. Vergiesst net UNICEF Lëtzebuerg ze taggen an den Hashtag #uniceflaola ze benotzen.
All Videoen, déi virum 18. November gepost ginn, ginn an e finalen Video kombinéiert deen um Weltkannerdag verëffentlecht gëtt.
Gitt de Kanner eng Stëmm
- Takeover: Loosst d’Kanner d’Kontroll iwwerhuelen. An der realer Welt oder online.
- Blo undoen: Hiem, Bochsen, Schong oder souguer blo Hoer. Alles geet.
- Mënscheketten: Organiséiert eng Mënschekette fir Är Solidaritéit mat de Kannerrechter ze weisen
- Wonschbam: Erstellt e Bam vun deem Dir Är Wënsch hänke loosse kënnt
- Sidd kreativ: Zeechent, moolt oder bastelt eng Collage iwwer d’Kannerrechter
An zum Schluss, deelt Är beschte Fotoen online oder schéckt se eis (mkarier@unicef.lu).
De Kanner hir Rechter bäibréngen
De Weltkannerdag ass eng exzellent Geleeënheet fir Enseignanten, Educateuren an Elteren d’Kanner iwwer hir Rechter ze informéieren. Mir bidde pädagogescht Material un, fir verschidden Altersgruppen.
Programm
Laolawell
20. November
Merci un jiddereen, deen fir de Weltkannerdag en Zeeche fir d’Kannerrechter gesat huet an bei eiser La Ola Challenge matgemaach huet. Dobäi ass e super Video a ganz sécher déi längste virtuell La Ola vu Lëtzebuerg entstanen.
MERCI MERCI MERCI ! #uniceflaola
Journal RTL Lëtzebuerg
20. November
RTL Lëtzebuerg huet e Reportage doriwwer gewise wéi wichteg de Weltkannerdag ass a mat wéi ville Problemer d’Kanner weltwäit, trotz Kannerrechtskonventioun, konfrontéiert sinn.
Social Media Takeover
20. November
Eis Youth Ambassadors hunn wärend dem Weltkannerdag eise Facebook & Instagram Account iwwerholl. Mir wollten hinnen eng Stëmm ginn an si iwwer Theme schwätze loossen déi hinnen um Häerze leien. #takeover
B Medical Systems Takeover
20. November
B Medical Systems hunn en Takeover mat Kanner organiséiert an zousätzlech Aktivitéite wéi de #GoBlue an d’#UNICEF Laola ënnerholl. Och hier Büroen an Indien hunn Sensibiliséierungssessioune proposéiert fir d’Schoulkanner iwwer hir Rechter ze informéieren.
RTL Radio Lëtzebuerg
20. November
Op RTL Radio Lëtzebuerg waren de ganze Weltkannerdag iwwer Messagen ze héieren, déi d’Stella, 7, d’Amelia, 10, de Finn, 12 an den Eli, 13, opgeholl hunn.
RTL Lëtzebuerg online
20. November
D’Joy, d’Véronique an d’Hannah hunn Artikele fir de Site vum RTL Lëtzebuerg geschriwwen. Et geet zum Deel em perséinlech Themen, em Sensibiliséierung an em Themen, déi si beschäftegen.
Videoanimatioun « Mir all hu Rechter »
18. November
D’Videoanimatioun « Mir All hu Rechter! » sensibiliséiert Kanner vun 3 bis 6 op hir Rechter. Zesumme mam Liz a Leepa entdecken d‘Kanner d’Rechter vun der Kannerrechtskonventioun (duerch Geschichten, Animatiounen a Gesang). Déi lëtzebuergesch Versioun gouf realiséiert mat Hëllef vum Jang Linster.
Maison Relais « Bei de Steekauzen »
17. November
D’Gemeng Weiler-la-Tour huet zesumme mat der Maison Relais “Bei de Steekauzen” e super flotte Video fir de Weltkannerdag opgeholl fir en Zeeche fir d’Kannerrechter ze setzen. Si ginn deene Jonken eng Stëmm! Villmools Merci un all déi Bedeelegt.
RTL Radio Today – Sam Steen Show
16. November
De Paul Heber (Kommunikatiounschef vum UNICEF Lëtzebourg) war Invité an der Sam Steen Show op RTL Today.
Eldoradio
16. November
Dräi vun eise Jugendambassadeuren, d’Lilou (15), d’Hannah (17) an de Georg (17) waren Invitéen op Eldoradio fir iwwer hir Aarbecht mat der UNICEF ze schwätzen.
Mir spillen e Prozess no!
16. November
Cité judiciaire Lëtzebuerg
De YOUstice Workshop sensibiliséiert Jonker ab 15 Joer fir d’Justiz. Fir d’Grondiddie vun der Justiz ze verstoen, hunn d’Schüler*innen ee Strofprozess observéiert an dono an engem Rollespill d’Roll vun engem Acteur vun der Justiz iwwerholl. D’Thema: Violatioun vu Kannerrechter. Si haten och d’Geleeënheet mat engem Procureur, Riichter*in an/oder Affekot*in ze diskutéieren an iwwert d’Roll vun der Justiz an engem Rechtsstaat a generell iwwert d’Kannerrechter nozedenken.
Den Atelier gouf proposéiert a Collaboratioun mam Zentrum fir politesch Bildung an der Justizverwaltung.
RTL Radio – Morningshow
15. November
Zwee vun eise Jugendambassadeuren, d’Vanessa (18) a de Philipp (17), sinn Invitéen an der RTL Morningshow, fir iwwer d’Rechter vun de Kanner an hir Aarbecht mat der UNICEF ze schwätzen.
Concours Deng Zukunft – Deng Stëmm
Organiséiert vun UNICEF Lëtzebuerg, ënnert dem Patronage vum MENJE (Service des droits de l’enfant), freet dëse Concours Kanner a Jugendlecher, wéi si sech d’Schoul vu muer virstellen, a bitt hinnen d’Méiglechkeet hir Visiounen, Wënsch an Erwaardunge fir d’Zukunft auszedrécken.
Täschebuch vun de Kannerrechter
D’UNICEF Täschebuch vun de Kannerrechter erklärt déi 54 Artikele vun der Kannerrechtskonventioun. Mir proposéieren 2 Versiounen: eng fir Kanner vu 6 bis 12 Joer an eng fir Jugendlecher ab 12 Joer.
Spenden
Um Weltkannerdag ginn all Spende benotzt fir Kanner an hir Familljen an der Ukraine ze schützen, wou de Krich weiderhin en zerstéierende Impakt op hir Rechter huet. Är Spend kéint d’Liewen vun engem Kand fir ëmmer änneren.
Villmools Merci.
Si waren dobäi
Aalt Stadhaus, Amii Watson, APECB, B Medical Systems, Babilou Family Luxembourg, Banque Internationale à Luxembourg – Bil, Banque Raiffeisen, BGL BNP Paribas, Bram City Concorde, Cactus, Car Car by Sam, CFL, Commune de Bertrange, Bettembourg, Clervaux, Dippach, Frisange, Helperknapp, Junglinster, Mamer, Mondorf-les-Bains, Niederanven, Pétange, Schengen, Weiler-la-Tour, Connexion, Crèches et foyers de jour Butzemillen, Dammenturnveräin Bouserdall, Deloitte Luxembourg, Ecole fondamentale Angelsbierg, Ecole fondamentale Gilsdorf, Ecole fondamentale Weiler-la-Tour, Ecole privée Sainte-Anne, Eldoradio, European School of Luxembourg I, FC Déifferdeng 03, FC Käerch, Fonds de Belval, Fund Channel, ING Luxembourg, IP Luxembourg, JAF Luxembourg, Janette Magazine, Lënster Lycée International School, Lifepartners Insurance & Solutions, Lycée classique de Diekirch, Lycée Ermesinde, Lycée technique du Centre, Maison Relais « Bei de Steekauzen », Maison Relais « Reewiermecher » Alzéng, MOAST Creative Studio, Moniflo, Musée national d’histoire naturelle Luxembourg, Nouvelle école fondamentale Schouweiler, Ordre des Avocats du Barreau de Luxembourg, Quintet Private Bank, RTL Group, Rudi Weber Reparaturen, Sportlycée Lëtzebuerg, Sub Aqua Readenge sur Attert – SARA, Tessy Antony de Nassau, Theaterveräin Bouser Spektakel, Trifolion Echternach, Veiner Schull, Vianden Castle, VIBBALL Echternach, Ville d’Ettelbruck, Ville de Grevenmacher, Ville de Luxembourg
Merci, datt Dir dëse wichtegen Dag zu eppes Besonneschem gemaach hutt!
Eis kontaktéieren
Kontakt
UNICEF Lëtzebuerg
6, rue Adolphe Fischer
L-1520 Luxembourg
Tel.: (+352) 44 87 15
Email: contact@unicef.lu
Ëffnungszäiten
Méindes-Freides: 8:00-17:30 Auer